Instituti i Teknologjisë Informative Pro Kosova (ITI Pro Kosova) dhe Oda e Prizrenit kanë zhvilluar një takim produktiv me z. Eric Dietz, Shefi i Misionit të Luksemburgut në Kosovë. Takimi u mbajt në ambientet e Ambasadës së Luksemburgut në Prishtinë, ku diskutuam mbi projektet në vazhdim për zhvillimin e aftësive digjitale dhe nxitjen e sipërmarrjes.
Me kënaqësi ju njoftojmë fillimin e trajnimeve FALAS në nivelin e dytë! Pas suksesit të nivelit të parë, tani do të vazhdojmë me përmbajtje më të avancuar, e cila ka për qëllim të zgjerojë njohuritë dhe aftësitë e pjesëmarrësve.
Ju njoftojm se kemi arritur një marrëveshje bashkëpunimi me Qendrën e Kompetencave Prizren. Ky është një hap i rëndësishëm drejt avancimit të edukimit dhe aftësive teknologjike në vend. Me këtë bashkëpunim synon të fuqizojë të rinjtë dhe profesionistët e ardhshëm përmes trajnimeve dhe iniciativave të përbashkëta.
Sot shënojmë 1 vit nga themelimi i ITI Pro Kosova! Gjatë këtij viti, kemi arritur të krijojmë mundësi të rëndësishme për të rinjtë e Kosovës, duke ofruar trajnime falas në fushën e teknologjisë, përfshirë programimin në C# dhe SQL Server.
Jemi të lumtur të njoftojmë përfundimin me sukses të nivelit të parë të trajnimeve në programim C# dhe SQL Server. Ceremonia e ndarjes së certifikatave për studentët që përfunduan me sukses trajnimet u shoqërua nga një koktej rasti, ku pjesëmarrës ishin personalitete të rëndësishme dhe përfaqësues të institucioneve lokale.
Jemi të lumtur të njoftojmë arritjen e marrëveshjes për sponzorizimin e projektit tonë “Krijo Rrjetin tënd të Ardhshëm: Trajnime në Inovacionin Teknologjik dhe Zhvillim Biznesi” nga Renelual Tahiri SHPK dhe ABI SHPK. Këto dy kompani të njohura do të mbështesin projektin duke ofruar mundësi të jashtëzakonshme për studentët që të ndjekin trajnimet falas.
Kemi filluar trajnimet falas në programim në C# dhe SQL Server, në kuadër të projektit tonë të ri “Krijo Rrjetin tënd të Ardhshëm: Trajnime në Inovacionin Teknologjik dhe Zhvillim Biznesi”. Ky program trajnimi ofron mundësi të jashtëzakonshme për të zhvilluar aftësi të reja në fushën e teknologjisë dhe të shfrytëzimit të bazave të të dhënave.
Jemi të lumtur të njoftojmë se Drejtoria e Arsimit ka dhënë pëlqimin për mbajtjen e trajnimeve në programim C# dhe SQL Server në kabinetin e Shkollës së Mesme Ekonomike "Ymer Prizreni". Ky vendim i rëndësishëm do t'u mundësojë studentëve që të ndjekin trajnimet falas dhe të zhvillojnë aftësitë e tyre në fushën e teknologjisë.
Është nenshkruar Memorandum Bashkëpunimi në mes të ITI Pro Kosova dhe Oda Prizrenit / Chamber of Prizren. Ky partneritet do të sjellë përfitime duke hapur rrugë për studentët e Fakulteteve të Shkencave Kompjuterike dhe Inxhinierisë për të përfshirë në më shumë projekte inovative, trajnime dhe udhëtime studimore në fushën e teknologjisë. Anëtarët e Oda e Prizrenit do të kenë akses të privilegjuar në burimet dhe aktivitetet që do të organizohen nga ITI Pro Kosova, duke u ofruar mundësinë për të ndërtuar rrjetet e tyre profesionale në sektorin e teknologjisë. Bashkëpunimi ynë do të krijojë një mjedis të përshtatshëm për shkëmbimin e dijeve dhe për të krijuar mundësi të reja zhvillimi. Na kontaktoni dhe mësoni më tepër rreth bashkëpunimit tonë.
ITI Pro Kosova dhe NTSH Pena kanë nënshkruar një memorandum bashkëpunimi! Studentët tanë do të eksplorojnë fushën e TIK-ut nëpërmjet punës praktike në NTSH Pena. Një hap i madh drejt arsimit dhe zhvillimit profesional.
E themeluam 'Institutin e Teknologjisë Informatike Pro Kosova' me synimin që të ndihmoj të rinjtë në fushën e Teknologjisë Informative dhe Inovacionit duke ofruar hulumtime, analiza, dhe këshillë në zbatimin e ideve të tyre. Misioni ynë është të sigurojmë burime të nevojshme për të rinjtë, duke zhvilluar aftësitë e tyre në fushën e Teknologjisë Informative dhe Inovacionit, me qëllim që të ndërtojnë një ndikim pozitiv në botë. Nëpërmjet programeve dhe evenimenteve inovative, si dhe lidhjeve të ngushta me sektorin privat dhe akademik, ne synojmë të ndërtojmë një urë midis pasionit dhe suksesit në fushën e IT-së. Qëllimi është të krijojmë një ambient të stimulueshëm, që e fuqizon dhe e nxit zhvillimin e një brezi të ri inovatorësh në Kosovë, të cilët me inovacionin e tyre do të krijojnë impakte të mëdha dhe do të ndikojnë në përparimin teknologjik dhe ekonomik të vendit.