Filluan Trajnime Falas në C# dhe SQL Server

Kemi filluar trajnimet falas në programim në C# dhe SQL Server, në kuadër të projektit tonë të ri “Krijo Rrjetin tënd të Ardhshëm: Trajnime në Inovacionin Teknologjik dhe Zhvillim Biznesi”. Ky program trajnimi ofron mundësi të jashtëzakonshme për të zhvilluar aftësi të reja në fushën e teknologjisë dhe të shfrytëzimit të bazave të të dhënave.

Trajnimi ynë përfshin një seri mësimi intensiv dhe praktik, ku studentët do të mësojnë të zhvillojnë aplikacione të avancuara në ambientin e programimit në C# dhe të menaxhojnë dhe optimizojnë bazat e të dhënave në SQL Server. Pjesëmarrësit do të përfitojnë njohuri të rëndësishme dhe praktika të drejtpërdrejta që do t'i përdorin në karrierën e tyre të ardhshme në fushën e teknologjisë informative.

Ky trajnim siguron vlera për studentët, qytetarët dhe akterët tjerë në fushën e Teknologjisë Informative:

• Për studentët: Mundësi për të zhvilluar dhe përmirësuar aftësitë e tyre në programim dhe bazat e të dhënave, duke u përgatitur për një treg pune gjithnjë e më të kërkuar në teknologjinë informative.
• Për qytetarët: Kontribut në rritjen e nivelit të dijes teknologjike dhe krijimin e mundësive të reja për rritjen personale dhe profesionale.
• Për industrinë dhe aktorët e tjerë: Kontribut në zhvillimin e sektorit të teknologjisë informative dhe rritjen e kapaciteteve në fushën e inovacionit dhe zhvillimit të biznesit në Kosovë.

Ne jemi të kënaqur që mund të ofrojmë këtë mundësi të jashtëzakonshme për të gjithë ata që dëshirojnë të përmirësojnë njohuritë e tyre dhe të ndërtojnë një karrierë të suksesshme në fushën e teknologjisë informative. Për më shumë informacion dhe për të aplikuar, ju lutemi vizitoni faqen tonë zyrtare.

Bashkohuni me ne për të krijuar rrjetin tuaj të ardhshëm në teknologjinë dhe inovacionin biznesor!